Category: දිවි මඟට පහන් ටැඹක්

අපේ හිතට රාගයක් හෝ ද්වේෂයක් හෝ මෝහයක් හෝ ආවොත් තමන් එ්ක හොඳට දැනගන්න ඕන. ‘මේක මට අහිත පිණිස, අනුන්ටත් අහිත පිණිස පවතින එකක්. මම මේකෙන් මිදෙන්න ඕනේ’ කියලා තමන් එ් කාරණේ ඉන්න ඕන.

ජීවිතය තේරුම් ගන්න නම් අපට ජීවිතය ගැන මමත්වයක්, එහෙම නැත්නම් අහංකාරකමක් තියෙනවා නම් එ්ක නැතිවෙන්න ඕන. ඊ ළඟට අප තුළ මනුස්සයා කෙරෙහි යම් අනුකම්පාවක් තියෙනවා නම් එ්ක වැඩිවෙන්න ඕන. කෙලෙහි ගුණ සැලකීම පිහිටන්න ඕන. මේවා තමයි ප‍්‍රඥාව මතුවීමේ සලකුණු.

දැන් බටහිර නම් ඔය ඇල්කොහොල් පාවිච්චිය කිව්වාම ගණන් ගන්නේ නෑ. ඒක ඒගොල්ලන්ගේ පොදු එකක්. ඒකෙ පොදුබව මේ රටවල්වලටත් වේගයෙන් එනවා. මොකද හේතුව, ධර්මය මතුවෙලා නැති නිසා, ධර්මය බලවත් නැති නිසා. අධර්මය බලවත් නිසා ඒ දේවල් වේගයෙන් සුනාමියක් වගේ එනවා. ආවට පස්සේ බේරෙන්න බෑ.