Author: Mahamegha

“සමහර ප්‍රශ්නවලට විසඳුමක් නැත. මමත් මේ ගැන බොහෝ සේ සිතුවෙමි. එසේ සොයන මා හට ප්‍රණීත දහම් පර්යායක් කියවන්නට ලැබිණි. එහි විසඳුමක් නැති ප්‍රශ්නවලට විසඳුමක් තිබිණ. “සෑම ප්‍රශ්නයකට ම විසඳුමක් තිබේ ය” යන වදන දැන් මට අහක දැමිය නොහැක.”

“මහා ජනයාගේ ආයාචනා හේතුවෙන් හෝ ස්තුති හේතුවෙන් හෝ ඔහු වටා ඇඳිලිබැඳ වැඳ පැදකුණු කිරීමේ හේතුවෙන් හෝ ඒ පුරුෂයා කය බිඳී මරණින් මතු සුගතිය නම් වූ දෙව්ලොව උපදීවිද? ස්වාමීනී, මෙය නොවේමය.”

“ඉස්සර විවාහ වෙනතුරු ස්ත්‍රීහු, පුරුෂයෝ සියලු ලිංගික කටයුතුවලින් වැළකුණහ. කුමර කුමරි බඹසර කියා කියන්නේ එයට ය. ඒ අය ව දෙවියෝ ද රැක්කහ. ඒ අය විවාහ වූ විට පවුල් අවුල් වුණේ නැත. පින්වන්ත දරුවන් ලැබුණි. විවාහ ජීවිත අති සාර්ථක විය. ඒ අය අවසන් හුස්ම ටිකත් සැනසිල්ලේ හෙළුෑහ.”