Author: Mahamegha

අලාමක වූ රූ ඇති ඒ යහපත් භද්දකච්චානා කුමරිය සිය මෙහෙසි ධූරයේ අබිසෙස් කළ පණ්ඩුවාසදේව රජු ඒ මෙහෙසිය සමඟ පැමිණියවුන්, තමන් සමඟ පැමිණි පිරිසට විවාහකර දී සැප සේ වාසය කළේ ය.

ජලයෙහි වූ ගසක ජලයෙන් වැසී ගත් රුක් සිදුරක් තුළ කිමිදෙන කුමර තෙමේ එතුළ බොහෝ වේලාවක් හිඳ යළිත් එම සිදුරෙන් ම සෙසු දරුවන් වෙත එන්නේ ය.

යුද පිණිස වන්කල්හි ඒ යකිනිතොමෝ මහහඬින් හඬ දුන්නා ය. ඇතුළත ද පිටත ද සිටි කුමරුගේ බල සේනාවෝ ද මහත් අරගල කළහ. කුමරුගේ ඒ සියලූ මිනිස්සු සතුරු සේනාවේ මිනිසුන් වැඩි පිරිසක් ද මාමාවරුන් අටදෙනා ද නසා හිස් එකතු කළෝ ය. ඒ සෙනෙවිතෙමේ පැනගොස් ලැහැබකට වූයේ ය. එනිසා ඔහුට ‘සේනාපති ගුම්බක’ යැයි කියන්නේ ය.

ඒ රජතෙමේ පලතුරු හා මල් ගසින් යුතු වූ ‘මහා මේඝ වනෝද්‍යානය’ නම් වූ අනූන ගුණයෙන් යුතු යහපත් උයනක් කරවී ය. උයනට භූමිය ලකුණු කළ දිනයේ අකල් මහ වැස්සක් ඇදහැළුන බැවින් ඒ උයන ‘මහා මේඝවනය’ නම් විය.

ජිනේන්ද්‍රයන් වහන්සේගේ ශාසනය බබුළුවන්නා වූ ඒ මොග්ගලීපුත්ත තිස්ස ස්ථවිරයන් වහන්සේ සංගායනාව නිම කරවා අනාගතය බලන සේක. ප‍්‍රත්‍යන්ත දේශයන්හි ශාසනය පිහිටන බව බලා වප් මාසයේ දී ඒ ඒ තෙරුන් වහන්සේලා ඒ ඒ දේශයන්ට යැවූහ.