Author: Mahamegha

“දවසක් ආලවක යක්ෂයා බුදුරජාණන් වහන්සේගෙන් ඇහුවා හොඳ නමත්, කීර්තියත් පැතිරෙන්නේ කොහොමද කියලා. බුදුරජාණන් වහන්සේ වදාළා සත්‍ය වචන පවසන කෙනා ගැන හොඳ නම කීර්තිය පැතිරෙනවා කියලා”

“භාග්‍යවතුන් වහන්සේ සරණ ගිය ශ්‍රාවකයන් ධර්ම-විනය දේශනා කළ යුත්තේත්, හැදෑරිය යුත්තේත් ශාස්තෘ ගෞරවයෙන් යුක්තව බුදුරජාණන් වහන්සේ සම්බුදු නුවණින් පසක් කොට දේශනා කළ අයුරිනි. “

“මත් වීමට හා ප්‍රමාදයට හේතු වන මත්පැන් හා මත්ද්‍රව්‍ය භාවිතය වෙනුවෙන් හිතවත් වෙයි. අවේලාවේ වීදිවල ඇවිදින්නට හිතවත් වෙයි. සංගීත, නාටක, ක්‍රීඩා, සමාජ ශාලා ආදියෙහි ගැවසෙන්නට හිතවත් වෙයි. ප්‍රමාදයට හේතු වන සූදු ක්‍රීඩාවෙහි යෙදෙන්නට හිතවත් වෙයි.”

“මේ ජීවිතයේදී ඒඞ්ස් වැනි මාරාන්තික සමාජ රෝග, ලිංගාශ්‍රිතරෝග වැළඳීම, සිරගතවීම් වැනි නීතිමය දඬුවම්වලට ලක් වීම, නින්දා අපහාස විඳින්නට සිදු වීම, පහර කෑම්වලට ලක් වීම, පවුල් ජීවිත කඩාකප්පල් වීම ආදී නොයෙක් ව්‍යසනයන්ට පත් වීමට වැරදි කාමසේවනය හේතු වෙනවා.”

“ඒ වගේම සප්පුරිසදාන සූත්‍රයේදී සුදුසු කාලයෙහි දන්දීම සත්පුරුෂ දානයක් බවත් එහි ආනිශංස ලෙස මහා ධනය, මහා භෝග ඇත්තෙක් වන බවත්, යම් යම් වූ දෙයක් සඳහා සුදුසු කාලය පැමිණි විට අවශ්‍ය සෑම ප්‍රත්‍යයක් ම සෑම උපකාරයක් ම ඔහු හට රිසි සේ ලැබෙන බවත් භාග්‍යවතුන් වහන්සේ විසින් දේශනා කොට වදාළා.”