Author: Mahamegha

ඔබ ජීවත් වන්නේ සමූහයක් ලෙස එකිනෙකාගේ උපකාරයෙන් ගොඩනැගුණු සමාජ පද්ධතියක බව අමතක කරන්න එපා. මෙත් සිත් පෙරදැරි ව නො වේ නම් කිසිවෙකුගේ අඩුපාඩු ඔබේ වචනයෙන් එළි දක්වන්න එපා. මෙත් සිත් පෙරදැරි ව වුණත් සුදුසු කාලයේ දී මිස නුසුදුසු විටෙක එ් ගැන කථා කරන්නට එපා.

එක් රැස් කොටගෙන තනිව භුක්ති විඳීම වෙනුවට බෙදා හදාගෙන පොදුවේ භුක්ති විඳීම අභ්‍යන්තර ගුණධර්මයක් ආකාරයෙන් වගා කරගන්නට අප සමත් වුණොත් ජීවිතයේ ගෙවී යන සෑම මොහොතක් පාසා ම අපරිමිත වූ පුණ්‍ය සම්භාරයක් රැස් කරගැනීමේ වාසනාව අපට හිමි වෙනවා.

නිවි නිවී පත්තුවන තොරණක් දෙස බලා හිඳ සතුටුවන නොදරුවන් සේ අපි ඇති වී නැති වී යන ලෝකය දෙස බලා ඔල්වරසන් දෙන්නෙමු. තොරණෙහි නා නා වර්ණයෙන් දිලෙන බල්බයන් හා එහි මැවෙන සුන්දර රටා මිසක එහි තිබෙන්නේ විටෙක නිවී තවත් විටක පත්තු වන බුබුළු සමූහයක් බව නොදරුවාට කිසි දිනක පෙනෙන්නේ නැත.

අක්කගේ ලස්සන පවුල් ජීවිතේ රහස තමයි අම්මා එදා එ් කියලා දුන්නේ… එ් කතාව ම මම අද චූටි දෝණිටත් මුල ඉඳල ම කියනවා. ඔය දෙන්නට දැනුම් තේරුම් තියන කාලෙ ඉඳන් මං මේ දේවල් කියලා දීලා තියෙනවා. ආයෙමත් මතක් කරන්නේ පොඩි දෙයක් හරි අමතක වෙලා තියෙනවා නම් එ් දේවල් මතක් කරල දෙන එක වටින නිසයි.