Author: Mahamegha

භාග්‍යවතුන් වහන්සේ වදාළ සවිස්තරාත්මක වූ ජාතකය කියවන්නවුන්ට බෝසත් චරිතයේ ඇති පිවිතුරු බව, උදාර බව, සෞම්‍ය බව, පරහිතකාමී බව, ලෝකානුකම්පාව ආදි මෙකී නො කී අනේක විධ ගුණ දහම්වල ඇති සුන්දරත්වය අත්වින්ද හැකි ය.

සසර සයුරෙන් එතෙර වීම සඳහා අනුගමනය කළ යුතු දහම් මග දහම් ගැටයෙන් විවරණය කරයි. කවියා ගීයෙන් රසවත් ව පෙන්වා දෙන මග අනෙකක් නොව බුදු මග ම ය. සිංහල සාහිත්‍යයේ පළමුවන උපදේශ කාව්‍යය වන දහම් ගැටය බෞද්ධ පරමාර්ථය පසක් කර ගැනීම සඳහා විමුක්තිකාමීන්ට කදිම අත්වැලකි.

දහසය වැනි සියවසින් පසුව මෙරට පාලනය භාරගත් රජවරුන්ට බුද්ධාගම රැකගැනීමට තබා තමන්ගේ රාජ්‍ය රැකගැනීමටවත් නො හැකි විය. පසුකාලීන වන විට රජකමට සිංහල බෞද්ධ රජ පරපුරක කෙනෙකු සොයා ගැනීමට පවා නො හැකි තැනට රට පත්ව තිබීමෙන් පරිහානියේ තරම වටහා ගැනීම පහසු වෙයි.