Author: Mahamegha

පහසුව පිණිස අප විසින් සොයාගෙන ඇති, නිර්මාණය කොට ඇති දේ නිසාවෙන් ම අප නොයෙක් අර්බුදවලට මුහුණ දී තිබෙනවා. ආයුෂ පිරිහීමක් තමයි ඇති වන්නේ. අපට අනාගතයේ දී බලාපොරොත්තු විය හැක්කේ අනාරක්‍ෂිත බවක්. මේ නිසා නුවණැතියන්ට අප‍්‍රමාදී වීම ම යි වටින්නේ.

කැමති දේ දෙන කෙනා කැමති දේ ලබනවා. අග‍්‍ර වූ දේ දෙන කෙනා අග‍්‍ර වූ දේ ලබනවා. උතුම් දේ දෙන කෙනා උතුම් දේ ලබනවා. ශ්‍රේෂ්ඨ වූ දේ දෙන කෙනා උතුම් ස්වර්ගයේ උපදිනවා.”

”පින්වත් මහණෙනි, මේ ලෝකයේ හට ගන්නවා නම් හට ගන්නා වූ එක ම එක දෙයක් තිබෙනවා. අන්න එ් දෙය බොහෝ දෙනෙකුට යහපත පිණිස, බොහෝ දෙනෙකුට සැපය පිණිස හේතු වෙනවා. බොහෝ මිනිසුන්ගේත්, දෙවියන්ගේත් අර්ථය පිණිස, යහපත පිණිස, සැපය පිණිස ම යි හේතු වෙන්නේ. මොකක්ද එ් එක ම එක දෙය? එනම් සංඝයාගේ සමඟිය යි.”

දන් දීම කියන්නේ බොහෝ අනුසස් ඇති පුණ්‍ය ක‍්‍රියාවක්. අග‍්‍ර වූ දෙයක් කෙරෙහි හිත පහදවාගෙන අග‍්‍ර වූ ආකාරයෙන්, මනා කොට සකසා, ගෞරවයෙන් යුතුව, ‘ඉවතලන දෙයක් දෙනවා’ යන අදහසින් තොර ව, ‘දුන් අයුරට ලැබෙනවා’ යන විශ්වාසය ඇතිව සියතින් ම දන් පිළිගන්වනවා නම් එයින් ලැබෙන ආනිසංස මෙතෙකැයි කියලා පමණ කරන්න නම් බැහැ.