Author: Mahamegha

“මේ අති දීර්ඝ ගමනේ මියැදුනු වාර නම් ගණනය කළ නො හැකි තරම් ය. අප ඒ මරණයට පත්වන හැම මොහොතක ම බිය වීම්, තැතිගැනීම්, හැඬීම්, වැළපීම්, ශෝක වීම්, අත්පැහැර හැඬීම් කොතරම් නම් සිදු වී ඇද්ද?”

“ඒ මහාධිරාජයාණෝ ඉන් අනතුරු අත්බවයක දී, සද්ධාතිස්ස මහාරාජ සමයෙහි මේ ශ්‍රී ලංකාද්වීපයෙහි ඉපිද පැවිදි ව අරහත්වයට පත් වූ සේක්, කරන ලද පිනෙහි ම විපාක වශයෙනි. කුජ්ජතිස්ස නම් වූ ඒ මහ රහතන් වහන්සේ මහපෙළහර පාමින් ම අනුරාධපුර මහාමේඝ වනෝද්‍යානයෙහිදී පිරිනිවුණු සේක.”

“ගෙවෙන හැම මොහොතක් පාසා ම අප ළං වෙමින් සිටින්නේ මරණය වෙත ය. ඔරලෝසුවේ කටු දෙස මඳක් වේලා බලා සිටින්න. ඒ ගෙවී යන්නේ කාලය නො වේ. අපේ ආයුෂය යි.”

“මිථ්‍යාදෘෂ්ටික ඇදහීම්වලට වසඟ වී දිනෙන් දින අඳුරට ඇදී යන බෞද්ධ ජනකාය ඒ වැරදි මාර්ගයෙන් මුදා ගැනීම අද සංඝයා වහන්සේලා වෙත පැවරී ඇති මහා මෙහෙවර යි. ආණ්ඩු හැදීමට හෝ ව්‍යවස්ථා හැදීමට කලින් වැරදි දෘෂ්ටිවලට හසුවී ජීවිත විනාශ කර ගන්නා පුහුදුන් ජනතා සිත් තුළ සම්මා දිට්ඨිය ඇති කිරීම අද යුගයේ පවත්නා පරම වගකීම වන්නේ ය.”